14 апр 07:31
Янгиликлар

Бокс/ММА

UFC 327 турнири чипталар сотуви бўйича муваффақиятсизликка учради

Теглар : UFC 327

Якшанба тонгида дунёнинг энг кучли лигаси сўнгги уч йил ичида тўртинчи марта Майамида турнир ўтказди.

Эътиборлиси, UFC 327 турнири "Kaseya Center" аренадаги чипталар савдоси бўйича энг ёмон натижа кўрсатди. Чипталар сотувидан олти ярим миллион доллар пул тушган. Бундан аввалги энг ёмон натижа UFC 314 (Волкановски - Лопес) турнирида қайд этилган бўлиб, у 11 миллион долларлик чипталар сотувига эга бўлган. UFC 299 (О`Мэлли - Вера 2) ва UFC 287 (Перейра - Адесанья 2) турнирлари мос равишда 14 ва 12 миллион доллар йиққан.

Маълумотларга кўра, камида 6 000 та чипта (баъзи маълумотларга кўра 9 000 та) сотилмай қолган. Бу аренанинг максимал сиғими 20 000 эканини инобатга олсак, сезиларли салбий кўрсаткич экани ойдинлашади. Бунда чипталарнинг минимал нархи 200 долларни, максимал нархи эса 30 000 долларни ташкил этди.

Тахмин қилинишича, паст сотувга чипта нархларининг ошиши, асосий воқеаси Иржи Прохазка ва Карлос Ульберг ўртасидаги ярим оғир вазн тоифаси вакант камари учун жанг бўлган тадбирнинг заиф карди ҳам таъсир кўрсатган бўлиши мумкин.