UFC 333 турнири ҳарбий ҳаракатлар сабаб БААдан кўчирилиши мумкинми? Дана Уайт жавоб берди

"Йўқ! Биз ҳеч қандай захира вариантларни кўриб чиқмаганмиз, биз Абу-Дабига белгиланган муддатда борамиз. Биз борамиз вассалом. Мен UFC турнирини ўтказиш учун у ерда бўламан, шунингдек, Power Slap бренди остида Абу-Дабида бир йўла иккита тадбир бўлиб ўтади", — дея Уайтнинг сўзларини келтиради Bloody Elbow портали.

Эслатиб ўтамиз, UFC 333 турнири 24 октябрь куни БАА пойтахти Абу-Даби шаҳрида бўлиб ўтади. Оқшомнинг марказий воқеасида UFC’нинг ярим енгил вазн тоифасидаги чемпиони, австралиялик Александр Волкановски мағлубиятсиз келаётган россиялик даъвогар Мовсар Евлоевга қарши октагонга кўтарилади.