UFC жангчиси: "Янни мағлуб этишимга ишончим комил"

"Петр Янни мағлуб эта олишимни ҳис қиляпман. Ҳар қандай жангчи ҳам октагонга шундай туйғу билан чиқиши кераклигини тушунаман, бироқ мен уни кўриб, мағлуб эта олишимни тушундим. Айниқса, унинг услубига қараб, бир қанча фарқли услублардан фойдалана олишимни тушуниб етдим. Аслида, Петр Ян фақатгина юқори даражада ҳимояланиб, вақти-вақтида тейкдаунларни амалга оширади, деб ўйлайман.

Бундай ҳимояланишни кўп кўрганман. Мен боксчилар, қолаверса муай-тай усталари билан спарринг ўтказдим. Бу каби йигитларнинг кўпи билан бирга машғулот ўтказдим. Улар билан айнан шундай ҳимояланиш бўйича шуғулландим", - дея Янезнинг сўзларини келтиради Sportskeeda нашри.

Эслатиб ўтамиз, Адриан Янез сўнгги бор 19 июнь тонгида Тонни Келлига қарши, Петр Ян эса 10 апрель куни Алжемейн Стерлингга қарши жанг қилган эди.

Аввалроқ, яна бир америкалик Шон О'Мэлли Петр Янни жангга чорлаган эди, ўз навбатида Петр ҳам буни жавобсиз қолдирмаган эди.