20 июн 19:00
Янгиликлар
Бокс/ММА
UFC қозоғистонлик Дамир Исмагуловнинг навбатдаги жангини расман тасдиқлади
Хабар берганимиздек, 2 июль куни АҚШнинг Невада штати Лас-Вегас шаҳрида UFC Fight Night турнири бўлиб ўтади.
Ушбу оқшомдан ўрин олган яна бир жанг эълон қилинди. Унга кўра, енгил вазн тоифасида қозоғистонлик Дамир Исмагулов (24-2) АҚШ вакили Грант Доусон (19-1-1) билан 3 раундлик жангда тўқнаш келади. Аҳамиятлиси, мазкур жанг турнирнинг иккинчи асосий жанги (co main event) сифатида ўтади.
Маълумот учун, мусобақанинг марказий жангида ўрта вазн вакиллари Шон Стрикленд (26-5) ҳамда Абусупьян Магомедов (25-4-1) билан тўқнаш келади.
Эслатиб ўтамиз, Дамир Исмагулов сўнгги жангини ўтган йилнинг декабрь ойида Арман Царукянга қарши ўтказиб, мағлубиятга учраган эди. Грант Доусон эса охирги жангини Марк Мадсенга қарши ўтказиб, ғалаба қозонганди.
Ҳавола :
Манба : ufc.ru
Фикрлар