29 авг 17:23
Янгиликлар

Бокс/ММА

UFC Шанхай турнирининг co-main event жангида чуқур нокаут кузатилди

Айни дақиқаларда Хитойнинг Шанхай шаҳрида UFC Fight Night 286 турнири бўлиб ўтмоқда.

Оқшомнинг аҳамияти жиҳатидан иккинчи муҳим жанги аёллар миниман вазн тоифасида ўтказилди. Унда Бразилия вакиласи Дениз Гомес мезбон аралаш яккакураш устаси Янь Сяонанга қарши октагонга чиқди.

Гомес дивизион рейтингида тўртинчи ўринни эгаллаб турган хитойлик рақибасини биринчи раунднинг охирларида кучли зарба билан нокаутга учратди. Рефери бу вазиятда жангни тўхтатишга мажбур бўлди.

Шу тариқа, 26 ёшли Дениз Гомес кетма-кет бешинчи ғалабасини расмийлаштирди. Ҳисобидаги ғалабалари 13 тага етди. Мағлубиятлари сони 3 талигича қолди. Тажрибали 37 яшар Янь эса кетма-кет иккинчи мағлубиятини қабул қилиб олди. Бу унинг фаолиятидаги олтинчи мағлубияти бўлди.