UFC собиқ чемпион ҳамда даъвогар ўртасидаги жангни тасдиқлади

Ташкилотчилар томонидан ушбу оқшомнинг яна бир жанги тасдиқланди. UFC камарига собиқ даъвогар Марлон Вера UFC on ABC 7 турнирида дивизионнинг собиқ чемпиони Дейвесон Фигередога қарши октагонга чиқадиган бўлди. 

Шу йилнинг март ойида Марлон Вера Майамида ўтган UFC 299 турнирида чемпион Шон О’Мэллига қарши реванш жангида октагонга чиқиб, ҳакамларнинг қарорига кўра мағлуб бўлган эди.  

Дейвесон Фигередо эса ўтган йили кетма-кет иккита ғалабага эришди. Янги вазнга ўтган Дейвесен аввалига Роб Фонт, кейин эса Коди Гарбрэндтни мағлубиятга учратганди. Айни пайтда Марлон Вера рейтингда тўртинчи, Дейвесон Фигередо эса олтинчи ўринни эгаллаб турибди. 

Эслатиб ўтамиз, UFC on ABC 7 турнирининг марказий жанги Кори Сэндхаген ҳамда Умар Нурмагомедов ўртасида бўлиб ўтади. Ушбу жанг ғолиби чемпионлик камари учун расмий даъвогарга айланади.