Умар Нурмагомедовнинг навбатдаги жанги эълон қилинди + ПОСТЕР

Нурмагомедов оқшомнинг асосий кардида ўта енгил вазн тоифасида ташкилотнинг собиқ чемпиони Дэйвесон Фигередога қарши жанг ўтказади. Бу жанг ташкилот раҳбари томонидан расман эълон қилинди.

Шу йилнинг январь ойида Умар Нурмагомедов Мераб Двалишвилидан чемпионлик камарини тортиб олишга муваффақиятсиз уринишни амалга оширганди. У грузиялик чемпионга беш раунд тўлиқ давом этган жангда ҳакамларнинг якдил қарори билан ютқазган эди. Октябрь ойида эса Умар америкалик Марио Баутистани очколар ҳисобига кўра таслим этиб, фаолиятини муваффақиятли йўналишга қайтарганди.

Дэйвесон Фигередо эса октябрь ойида икки мағлубиятдан иборат серияни ёпиб, Монтел Жексон устидан ҳакамларнинг айри қарори билан ғалаба қозонганди. Бунгача бразилиялик аралаш яккакураш устаси иккинчи раундда тиззасидан олган жароҳати туфайли бир овоздан Пётр Янга, ундан аввал америкалик Кори Сэндхагенга техник нокаут билан имкониятни бой берганди.

Айни пайтда Нурмагомедов ва Фигередо ташкилотнинг ўта енгил дивизиони рейтингида мос равишда биринчи ва олтинчи ўринларни эгаллаб турибди.