UFC Вальтер Уокернинг навбатдаги жангини тасдиқлади + ПОСТЕР

Вальтер Уокер 25 октябрь куни БААнинг Дубай шаҳрида ўтказиладиган рақамланган UFC 321 турнирида британиялик Луи Сазерленд билан ҳисоб-китоб қиладиган бўлди. Бу ҳақда промоушен матбуот хизмати хабар берди. 

Аслида Уокер ўтган ҳафта оБразилиянинг Рио-де-Жанейро шаҳрида ўтказилган UFC Fight Night 261 турнирида Камару Усманнинг укаси Муҳаммад Усманга қарши октагонга чиқиши керак эди. Усман расмий тарози маросимига бир неча соат қолган бир пайтда ўзини ёмон ҳис қилгани учун жангдан "ечилганди". 

Маълумот учун, Уокер шу кунгача ММАда 15 та жанг ўтказиб, 14 ғалаба (6 таси нокаут) ва 1 та мағлубият қайд этган. Сазерленд эса 13 та жангининг 10 та (8 таси нокаут)сида зафар қучган. Ҳисобида 3 та мағлубият бор. Британиялик учун бу UFC`даги дебют жанг бўлади.