UFC Ванкувер: Асосий жанг муддатидан аввал якунланди, жангчи бешинчи раундга чиқмади + ФОТО

Оқшомнинг асосий жанги ўрта вазн тоифасида ўтказилди. Унда дивизион рейтингида тўртинчи ўринни эгаллаб турган нидерландиялик Ренье де Риддер тўққизинчи поғонада бораётган америкалик Брендан Алленга қарши октагонга кўтарилди.

Биринчи раунд Риддернинг партердаги устунлиги билан ўтди. Иккинчи раунд аввалида нидерландиялик аралаш яккакураш устаси яна Алленни партерга туширди, аммо назоратни рақибига бериб қўйди. Бу раундни Брендан ўзиники қилди. Учинчи раунд ҳам худди иккинчисининг сценарийсини такрорлади. Тўртинчи раундда Аллен партерда тўлиқ назорат қилди ва кучли зарбалар йўллади. Натижада Риддернинг секундантлари шогирдларининг бешинчи раундга чиқмаслигини лозим топишди. Аллен техник нокаут эвазига ғалаба қозонди.