16 янв 10:31
Янгиликлар

Бокс/ММА

UFC Вегас 46 турнирининг бонус соҳиблари маълум

Бугун Лас-Вегас шаҳрида ўтган UFC Вегас 46 турнири ташкилотчилари оқшомда бошқалардан ажралиб турган жангчилар номини ошкор қилди.

Яъни, кафолатланган гонорардан ташқари қўшимча 50 000 долларлик бонус пуллари кимга топширилишини маълум қилишди. Келвин Каттар, Гига Чикадзе, Вячеслав Боршев ва Жейк Коллье ўз ҳамёнларини 50 000 $ бойитиб олишди.

Келвин Каттар ва Гига Чикадзе ўртасидаги оқшомнинг марказий тўқнашуви UFC Вегас 46 турнирининг энг яхши жанги деб топилди. Ғолибга ҳам, мағлубга ҳам бир хилда бонус тақдим этилди. UFC промоушенида дебютини нокаутли ғалаба билан нишонлаган россиялик Вячеслав Боршев ҳамда Жейк Коллье эса ёрқин жанг учун бонусга эга чиқишди.