UFCдаги энг омадсиз "башоратчи" ким эканлигини биласизми? У Гэтжи ва Масвидалга ишониб, биткоин ҳисобида $1 млн ютқазган

Рэпер Дрейк — ММАнинг ашаддий мухлиси: у Хабибга қарши жангда Конорни қўллаб-қувватлаган (вазн ўлчаш маросимида ҳам бўлган), ва у мунтазам равишда жангларга пул тикиб келади. UFC 272 турнири доирасидаги Масвидаль — Ковингтон жангида у Хорхега мухлислик қилган ва унинг ғалабаси учун биткоин ҳисобида 275 минг доллар тиккан. Масвидаль жангда аутсайдер бўлганини ҳисобга олсак, унинг ғалаба қозониши йирик воқелик эди.

Лекин "ставка" ўхшмади: Ковингтон, кутилганидек бир уринишдаёқ Масвидальни мағлуб этди. Жангдан сўнг эса Дрейкка гап-сўзлар "отилди":

"Келинг, Дрейк бугунги оқшомда бой берган пуллар ҳақида гаплашамиз. Сен спортда пул тикишни билмайсан, Дрейк. Рэпга ва аҳмоқона албомларингга қайт".

Бироқ, Дрейкнинг муваффақиятсизлиги тўхтамади — у NBA ва NFLга пул тика бошлади. Унга ҳеч қаерда омад кулиб боқмасди (гарчи Супербоулда 140 минг доллар ютган бўлсада). Аммо, Дрейк UFC 274 турнирида ҳам таваккалга қўл урди: бу сафар у Гэтжининг Оливейрани мағлуб этиши учун 550 минг доллар тикади ва яна ютқазади, агар унинг тахмини тўғри бўлганида, 1 млн 375 минг доллар ютиб олган бўлар эди.



Дрейк яна аутсайдерни танлади ва яна ютқазди. Гэтжи Оливейрани икки марта нокдаун қилган бўлсада, дастлабки раунднинг ўзида Чарльз уни бира-тўла нокаутга учрата олди. Дрейк эса биргина жангнинг ўзида 825 минг доллар йўқотди. Албатта, бу рэпер учун фалокат эмас (у 2021 йилда 50 млн доллар ишлаб топган), лекин муваффақият қозониш ҳар доим ёқимли.