UFC'га ўтиши кутилаётган яна бир ўзбек жангчиси: "Ваъда бераман, бу соҳада ҳеч нарсага эриша олмайсан"

"Бугунги ёш спортчиларимиз кўп сўрашади, қандай қилиб чемпион бўлсак бўлади, деб. Чемпион бўлиш учун биринчи ўринда мақсад керак ва ўша мақсадга қараб режа қилиниб, режа асосида меҳнат қилинади. Ин ша Аллаҳ, албатта натижасини кўрасизлар. Бу йўлни машҳур бўлиш учун ёки пул ишлаб, бой бўламан, деб танлаш хато. Мен ваъда бераман, бу соҳада ҳеч нарсага эриша олмайсизлар. Сени фақат маҳалла-кўй, қариндошларинг таниб билиши мумкин. Ўзингни "пиар" қилсанг, реклама қилсанг, сени ҳеч ким спортчи деб эмас, актёр ёки масхарабоз деб билади", - дея ёшларга мурожаат қилган ҳамюртимиз.

Эслатиб ўтамиз, Бойназаров сўнгги жангини 26 январь куни Жон Фамга қарши ўтказиб, жангнинг 22 сониясидаёқ нокаут эвазига ғалаба қозонган эди. Ҳамюртимизнинг ғалабасига енгил вазнда UFC'нинг собиқ чемпиони Чарльз Оливейра ҳам муносабат билдирган эди.

Аввалроқ, ҳамюртимизнинг UFC президенти Дана Уайтга тегишли яна бир промоушен — "Dana White's contender series" билан шартнома имзолагани ҳақида хабар берган эдик.