Уго Умбер Оклендда фаолиятидаги илк совринни қўлга киритди

Унда бош соврин франциялик Уго Умберга насиб этди. Дунёнинг 57-ракеткаси финал учрашувида 24-поғонадан жой олиб турган ватандоши Бенуа Пэрни мағлуб этишнинг уддасидан чиқди - 7/6(2), 3/6, 7/6(5). 

Икки соату 34 дақиқа давом этган баҳсда Бенуага 16та эйс зарбаси ҳам ёрдам бера олмади. Ўзаро учрашувлардаги ҳисоб мувозанати тенглашди - 1:1. Окленддаги муваффақиятли иштирок Умберга 91,625 доллар ҳамда 250 рейтинг очкосини тақдим этди. Бу унинг фаолиятидаги илк соврин бўлди.