17 фев 13:37
Янгиликлар

Теннис

Уго Умбер Open 13 Provence бош совринини ватанида олиб қолди

Франциянинг Марсель шаҳрида ўтказилган ATP 250 тоифасига кирувчи турнир якунига етди.

Мусобақа бош соврини мезбон теннисчи Уго Умберга насиб этди. Дунёнинг 17-ракеткаси бўлиб турган Уго ҳал қилувчи финал учрашувида рейтингнинг 96-поғонасида борган сербиялик Хамад Меджедовичдан устун келди - 7/6(4), 6/4. Бу теннисчиларнинг ўзаро ўтказган илк учрашуви бўлди.

Бир юз бир дақиқа давом этган баҳсда Умбер 13, Меджедович 4 та эйс зарбасини амалга оширган. Уго фаолиятидаги еттинчи ATP совринини қўлга киритди. У ўтган йили ҳам Open 13 Provence чемпионига айланганди. Бу галги муваффақиятли иштирок унга 250 рейтинг очкоси ҳамда 112,660 евро мукофот пули келтирди. Меджедович эса 165 очко ва 65,730 евро ишлаб олди.