Уимблдон. Элина Свитолина учинчи даврада

Дунёнинг 13-ракеткаси Элина Свитолина учинчи давра иштирокчисига айланди. Украиналик теннис маликаси иккинчи босқичда WTA рейтингида 107-поғонани банд этган беларуслик Александра Сосновичдан ортиқча қийинчиликсиз устун келди - 6/2, 6/4. Теннисчиларнинг ўзаро учрашувларидаги ҳисоб мувозанати яна тикланди - 2:2. 

Етмиш етти дақиқа давом этган баҳсда Свитолина 1, Соснович 3 та эйс зарбасини амалга оширган. Иккала теннисчи ҳам етарлича қўшхатога йўл қўйишди - 6 га 5, Александра "фойдаси"га. Брейклар бўйича устунлик эса табиийки, ғолиб теннисчи томонида бўлди - 7 га 4. Энди Элина учинчи даврада бельгиялик Элизе Мертенсга қарши кортга чиқади.