12 янв 08:01
Янгиликлар

Теннис

ASB Classic. Свитолина 2026 йилни соврин билан бошлади + ФОТО

Украиналик теннис маликаси Янги Зеландиянинг Окленд шаҳрида якунига етган WTA 250 тоифасига кирувчи турнир чемпионига айланди.

Дунё рейтингида 13-ўринни эгаллаб турган Элина Свитолина ҳал қилувчи финал учрашувида WTA рейтингида 57-поғонада бораётган хитойлик Ван Синьюни мағлубиятга учратди - 6/3, 7/6(6). Бу теннисчиларнинг ўзаро ўтказган иккинчи учрашуви бўлди - 2:0.

Бир юз тўрт дақиқа давом этган баҳсда Свитолина 7, Ван 5 та эйс зарбасини амалга оширган. 31 ёшли Элина фаолиятидаги 19-совринни қўлга киритди. ASB Classic турниридаги муваффақиятли иштирок унга 250 рейтинг очкоси ва 37 390 АҚШ доллари миқдорида мукофот пули келтирди. Вице-чемпион Ван эса 163 очко ва 22 125 $ ишлаб олди.