12 июн 07:43
Янгиликлар

Теннис

"Уимблдон" ҳимояси ёки Олимпиада олтини? Алькараз учун қай бири муҳим?

Дунёнинг иккинчи ракеткаси Карлос Алькараз "Уимблдон"даги чемпионлик ҳимояси ёки Париж-2024 Олимпиадасидаги олтин медалнинг аҳамияти ҳақида гапирди.

"Қийин савол. Олимпия ўйинлари тўрт йилда бир маротаба ўтказилади. Бу муҳим турнир, чунки у ерда нафақат ўзинг учун, балки бутун Испания учун ўйнайсан. Мен Олимпиада олтинини танлаган бўлардим", - деди Алькараз.

Маълумот учун, Карлос Алькараз "Катта Дубулға" туркумига кирувчи Уимблдон турнирининг амалдаги чемпиони ҳисобланади. У 4 соату 40 дақиқа давом этган финалда сербиялик Новак Жоковични 1:6, 7:6 (6), 6:1, 3:6, 6:4 ҳисобларида мағлубиятга учратган эди.