11 июл 19:11
Янгиликлар

Теннис

Уимблдон. Симона Халеп Свитолинани тўхтатиб қолди

Буюк Британиянинг Лондон шаҳрида теннис бўйича "Катта Дубулға" туркумига кирувчи Уимблдон турнири давом этмоқда.

Бугун ярим финал учрашувлари ўтказилмоқда. Сайёрамизнинг еттинчи рақамли теннис маликаси Симона Халеп рейтингда ўзидан бир поғона пастда жойлашган украиналик Элина Свитолинага қарши кортга чиқди. Бир соату 13 дақиқа давом этган баҳсда Халеп рақибасини 6/1, 6/3 ҳисобида мағлуб этди.

27 ёшли Симона ҳам, 24 ёшли Элина ҳам учрашув давомида биттадан эйс зарбасини амалга оширди. Икки теннисчининг ўзаро баҳсларидаги ҳисоб тенглашди - 4:4. Америкалик Серена Уильямс ҳамда чехиялик Барбора Стрикова ўртасидаги учрашувдан сўнг Халепнинг финалдаги рақибаси маълум бўлади.