25 июн 14:13
Янгиликлар

Теннис

"Уимблдон"га илина олмаган Абдураимова Палма-Дел-Риодаги турнирда иштирок этади

Испаниянинг Кордова провинцияси Палма-Дел-Рио шаҳарчасида теннис бўйича W50 тоифасига кирувчи турнир бўлиб ўтмоқда.

Мукофот жамғармаси 50 минг долларни ташкил этувчи ушбу турнирда ҳамюртимиз Нигина Абдураимова ҳам ўз имкониятини синаб кўради. Мамлакатимизнинг биринчи ракеткаси рейтингда эгаллаб турган ўрни сабаб "Катта Дубулға" туркумига кирувчи "Уимблдон" турнирининг саралаш баҳсларида иштирок эта олмайди.

Қуръа натижасига кўра, Нигина бугун Палма-Дел-Рио турнирининг илк даврасида словакиялик Радка Зелничковага қарши кортга чиқади. Абдураимова WTA рейтингида 292, Зелничкова эса 539-ўринни эгаллаб турибди. Ушбу учрашув бизнинг вақт билан соат 22:15да бошланади.