Уламо ва имом домлалар иштирокида стол тенниси мусобақаси ўтказилди ФОТОГАЛЕРЕЯ

Хабарингиз бор, Ўзбекистон мусулмонлари идораси Тошкент шаҳар вакиллиги, Ўзбекистон стол тенниси федерацияси Тошкент шаҳар ҳудудий бўлими ҳамда Тошкент шаҳар ёшлар сиёсати ва спорт бош бошқармаси ҳамкорлигида стол тенниси мусобақаси ташкил этилди.

Кеча ана шу мусобақанинг Тошкент шаҳар босқичи, яъни финал ўйинлари бўлиб ўтди. Тадбирда Тошкент шаҳар бош имом-хатиби Абдуқаҳҳор домла Юнусов иштирок этиб, мусобақани кириш сўзи билан очиб бердилар.

Табиийки, ҳар бир мусобақада ғолиблар аниқланади. Бу беллашувларда ҳам ғалаба кучлиларга, тажрибалиларга кулиб боқди.

Ҳакамлар ҳайъати аъзоларининг хулосасига кўра:

1-ўрин. Дилшодбек домла Умиртоев (Шайхонтоҳур тумани);

2-ўрин. Раҳматуллоҳ домла Ҳикматуллаев (Мирзо Улуғбек тумани);

3-ўрин. Ўктам домла Маҳкамов (Сергели тумани) 

Шунингдек, мусобақада турли номинациялар бўйича ҳам ғолиблар аниқланди:

"Фаол иштироки учун" номинациясига Жавлонбек Холиқов (Чилонзор тумани);

"Яхши техникаси учун" номинациясига Дилшод Идрисов (Учтепа тумани);

"Ғалабага бўлган иродаси учун" номинациясига эса Миржалол Акромов (Юнусобод тумани) лойиқ кўрилди.

Мусобақа ғолиблари ташкилотчи ва ҳомийларнинг қимматбаҳо эсдалик совғалари ҳамда ташаккурномалар билан тақдирланди.