Улар Токиога боришади: Эркин курашчимиз Жавраил Шапиев

Бугун Сизларга Токио-2020 Олимпиадасида эркин кураш бўйича -86 кг вазн тоифасида юртимиз шарафини ҳимоя қиладиган полвонимиз Жавраил Шапиев ҳақидаги маълумотларни ҳавола этамиз.

Жавраил Нурмагомедович Шапиев 1997 йил 20 апрель куни Доғистонда туғилган. Эркин бўйича Ўзбекистон терма жамоаси аъзоси. Курашчимиз эгизак укаси Иса Шапиев билан давлатимиз байроғи остида курашиб келишади. Олимпия ўйинларига Олимжон Ҳикматов мураббийлигида тайёрланмоқда.

Жавраил 2017 йилдан Ўзбекистон терма жамоаси шарафини ҳимоя қилиб келмоқда. Бир қатор халқаро мусобақаларда ғолиб ва совриндорлар қаторидан жой олган. 2019 йил жаҳон чемпионатида муносиб иштирок этган.

Шу йил апрель ойида Осиё минтақаси учун Қозоғистонда ўтган Токио-2020 лицензион турниридаги иштироки орқали Олимпиада йўлланмасини қўлга киритган.