Улуғбек Рашитов — дунё миқёсида "йилнинг энг яхши эркак спортчиси" деб топилди!

Овоз бериш натижаларига кўра, йилнинг энг яхши эркак спортчиси номинациясида Ўзбекистон миллий терма жамоаси аъзоси, икки карра Олимпия ўйинлари ғолиби Улуғбек Рашитов ғолиб бўлди.

Тақдирлаш маросими бугун Гонконгда давом этаётган пумсэ бўйича Жаҳон чемпионати доирасида бўлиб ўтди. Унда ҳамюртимиз Улуғбек Рашитов ҳам иштирок этиб, Бутунжаҳон таэквондо федерацияси бош котиби Сео Жеонгкангдан ўз совринини қабул қилиб олди.

Таъкидлаш лозим, бунга қадар ўзбекистонлик таэквондочилар Жаҳон миқёсида эътироф этилмаган эди.

Номинациялар ғолиблари:

"Йилнинг энг яхши эркак спортчиси" — УЛУҒБЕК РАШИТОВ

"Йилнинг энг яхши аёл спортчиси" — Вивиана Мартон (Венгрия)

"Йилнинг энг яхши аёл пара спортчиси" — Леонор Ангелика Эспиноза (Перу)

"Йилнинг энг яхши эркак пара спортчиси" — Имамаддин Ҳалилов (Озарбайжон)

"Йилнинг энг яхши зарбаси соҳиби" — Парк Теежун (Корея Республикаси)

"Йилнинг энг яхши мураббийи" — Есбол Султанов (Тунис)

"Йилнинг энг яхши пара мураббийи" — Эндрю Дир (Буюк Британия)

"Йилнинг энг яхши Олимпия ҳаками" — Моҳамедали Элсаед (Миср)

"Йилнинг энг яхши Паралимпия ҳаками" — Паула Рамирес Руис (Испания)