11 окт 17:54
Янгиликлар
Таэквондо
Улуғбек Рашитов ва Жасурбек Жайсунов Тайюан Гран-Приси совриндори бўлди
Хитойнинг Тайюан шаҳрида таэквондо WТ бўйича катталар ўртасида G6 таснифига кирувчи Гран-При мусобақаси давом этмоқда.
Бугун, мусобақанинг иккинчи кунида беш нафар спортчимиз — Улуғбек Рашитов, Ниёз Пўлатов, Шуҳрат Салаев, Жасурбек Жайсунов ва Феруза Содиқова даянга чиқди. Кун якунига кўра уларнинг икки нафари совриндорлар қаторидан ўрин олди.
-68 кг вазн тоифасида миллий терма жамоамиз аъзоси Улуғбек Рашитов ярим финалга қадар етиб борди ва кореялик рақибига имкониятни бой бериб қўйди. Улуғбек бунгача мўғулистонлик Буяншагаи Энҳболдни, эронлик Матин Резаини ҳамда хорватиялик Марко Голубични мағлубиятга учратган эди.
-80 кг вазн тоифасида Жасурбек Жайсунов ҳам ярим финалда кореялик рақибга имкониятни бой берди. Жасурбек бунгача Шуҳрат Салаевни, мисрлик Сеиф Эиссани ҳамда эронлик Мирҳошим Ҳоссейнини мағлубиятга учратган эди.
Ҳавола :
Манба : olamsport.com
Фикрлар