"Уни ўз уйида мағлуб этмоқчи эдим". Сакен Бибоссинов Тошкентдаги ЖЧ ҳақида гапирди

"Мен Ҳасанбой Дўсматовни ҳам, франциялик Беннам Билални ҳам мағлуб этганман. Уларнинг ўзаро жангини ташқаридан туриб кузатиш бироз оғир бўлди албатта. Жанг қизиқ ўтди. Мен Ҳасанбой билан ўзим жанг қилиб, уни ўз уйида мағлуб этмоқчи эдим. 

Кейинги жангда уни мағлуб эта олишимга ишонаманми? Ишонаман. Ишлашда давом этамиз. Уни чин кўнгилдан табриклайман. Финалда яхши жанг кўрсатди ва ҳақли тарзда ғалаба қозонди. 

Олдинда Осиё ўйинлари ва бошқа турнирлар бор. Олимпиада ҳам. Ҳозир ўзаро ҳисоб - 1:1. У ҳам менга қарши жанг қилишни истаганди. Биз у билан яхши алоқадамиз. Учрашиб қолсак саломлашамиз. У томонидан менга қандайдир ёмон гап айтилганини эшитмаганман", - деди Бибоссинов.