Бибоссинов WBO Africa чемпионига қарши жангда жароҳат олди

"Охирги жангимда бармоғимни синдириб олдим. Ҳатто гипсдаги қўл билан ҳам машғулотларни тўхтатмаяпман. Жароҳат — вақтинчалик. Мақсад эса — абадий", — деб ёзди Бибоссинов ўзининг Instagram саҳифасида.

Бибоссиновнинг сўнгги жанги 28 август куни Остона (Қозоғистон) шаҳридаги Жаксилик Ушкемпиров номидаги яккакурашлар саройида бўлиб ўтганди. IBA Nomad доирасидаги "International Boxing Day" шоусида у ҳакамларнинг якдил қарори билан WBO Africa чемпиони, намибиялик Иммануэль Жозефни мағлуб этганди.

Маълумот учун, Ҳасанбой Дўсматовнинг азалий рақиби ҳисобланган Сакен Бибоссинов — 2025 йилги IBA жаҳон чемпиони, Токио-2020 Олимпия ўйинларининг бронза медали совриндори, шунингдек, жаҳон чемпионатларининг кумуш (2023) ва бронза (2019) медаллари ҳамда Осиё чемпионати (2022) кумуш медали соҳиби (энг енгил вазн тоифасида)дир.