“Универсиада-2019”. Ғолиблар финал босқичида иштирок этади

Хусусан, Қарши давлат университетида Универсиада спорт мусобақалари дастуридан ўрин олган белбоғли кураш бўйича саралаш беллашувлари бўлиб ўтди. Вилоятдаги мавжуд олий таълим муассасаларидан 100 нафарга яқин полвонлар -55, -60, -66, -73, -81, -90 ҳамда +90 кг. вазн тоифаларида ғолиблик учун кураш тушишди. 

Муросасиз беллашувларнинг якуний натижаларига кўра, Муҳаммад Наимов (-60 кг. ҚДУ), Бекмурод Бердиев (-66 кг. ҚДУ), Фаррух Давуров (-73 кг. ҚДУ), Рамозон Норқобилов (-81 кг. Қарши муҳандислик-иқтисодиёт институти), Лазиз Эгамов (-90 кг. ҚДУ), Салоҳиддин Зарипов (+90 кг. ҚДУ)лар барча рақибларидан устун келиб, “Универсиада-2019” Республика босқичига йўлланма олишди.

Баҳриддин ЯРМАТОВ, белбоғли кураш бўйича вилоят бош мураббиий: 

- Миллий спорт турларимиздан бўлган белбоғли кураш вилоятимизда кейинги йилларда ёшлар ўртасида оммалашиб бормоқда. Хусусан, олий ўқув юртларимизда ҳам қизиқиш юқорилиги боис, беллашувлар муросасиз, қизиқарли ва шиддатли жараёнларга бой тарзда ўтади. Бугунги мусобақада ҳам энг кучли полвонларимизни саралаш осон кечмади. Ўйлайманки, республика финал босқичида полвонларимиз юқори натижаларни қайд этиб, кучли учликдан жой олишади. Тез орада ўқув-йиғин машғулотини бошлаймиз.

Илҳом РАҲМОНОВ тайёрлади