"Универсиада-2020" ғолиб ва совриндорларини тақдирлаш маросимидан ФОТОРЕПОРТАЖ

Мамлакатимизда жисмоний тарбия ва спортни ривожлантириш, ёш авлодни жисмонан соғлом, маънан баркамол этиб тарбиялашга алоҳида эътибор қаратилган.

Шу мақсадда, Биринчи Президентимиз Ислом Каримов ташаббуси билан ташкил этилган уч босқичли – “Умид ниҳоллари”, “Баркамол авлод”, “Универсиада” мусобақалари минглаб иқтидорли ёшларни кашф этиш билан бирга, ёш авлодни оммавий спортга жалб қилишда ҳам муҳим ўрин тутмоқда.

Илк бор 2000 йилда Наманганда ўтказилган “Универсиада” спорт мусобақалари кўплаб спортчиларнинг шаклланишида, ютуқларга эришишига ёрдам берди.

“Универсиада-2020” спорт мусобақалари Президентимиз ташаббуси билан 21 йил давомида тўпланган тажриба амалдаги тизимни кенг спорт жамоатчилиги фикрини эътиборга олган ҳолда янада такомиллаштирилиб, спорт мусобақаларининг Республика финал босқичи ҳар йили навбатма-навбат спорт турлари бўйича мамлакатимизнинг барча вилоятларида ташкил этилди ва ўтказилди.

Спорт мусобақалари Ўзбекистон Республикаси Вазирлар Махкамасининг 2018 йил “Ўқувчи ва талаба ёшлар ўртасида ўтказиладиган республика спорт мусобақалари тизимини янада такомиллаштириш тўғрисида”ги 864-сон қарорига асосан 12 та спорт (бадминтон, баскетбол, волейбол, гандбол, футбол, енгил атлетика, стол тенниси, шахмат, шашка, кураш, белбоғли кураш, дзюдо) тури бўйича  бахслашдилар.

“Универсиада – 2020” спорт мусобақаларининг Ўзбекистон Республикаси Вазирлар Маҳкамаси томонидан тасдиқланган Низомга мувофиқ 3 босқичда ташкил этилди.

Мазкур спорт мусобақаларининг олий таълим муассасаси (биринчи) босқичида 50 557 нафар (шундан 18 532 нафари аёл), Қорақалпоғистон Республикаси, вилоятлар ва Тошкент шаҳар ҳудудий (иккинчи) босқичида 6 012 нафар (шундан 2 396 нафари аёл), республика финал (учинчи) босқичида Қорақалпоғистон Республикаси, вилоятлар ва Тошкент шаҳридан жами 1 518 нафар (шундан 418 нафари аёл) талабалар иштирок этди.

“Универсиада-2020” спорт мусобақалари якунига кўра умужамоа ҳисобида: 

1-ўрин: Тошкент вилояти;

2-ўрин: Қорақалпоғистон Республикаси;

3-ўрин: Самарқанд вилояти талаба ёшларига насиб этди.  

“Универсиада-2020” спорт ўйинларининг ғолиб ва совриндорлари Ташкилий қўмита томонидан “Президент совғаси” билан тақдирландилар.

Суратлар муаллифи - Алимурод МАМАДАМИНОВ, ўз мухбиримиз