27 июл 19:45
Янгиликлар
Бошқалар
"Универсиада ўйинлари": Чендуда Ўзбекистон байроғи кўтарилди
Бугун, 27 июль куни XXXI ёзги Универсиада ўйинларида иштирок этиш учун Хитойнинг Ченду шаҳрига етиб борган мамлакатимиз талаба-спортчилар делегациясининг асосий қисмини Ўзбекистоннинг Хитойдаги элчиси Фарход Арзиев кутиб олди.
Вакилларимиз Ченду шаҳарчасидаги спортчилар учун ажратилган меҳмонхоналарга жойлашиб, дастлабки машғулотларни бошлаб юборди.
Ўзбекистон спорт делегацияси шарафига Ченду шаҳридаги Универсиада шаҳарчасида давлатимиз мадҳияси янграб, байроғимиз кўтарилди.
Эртага, 28 июль куни XXXI ёзги Универсиада ўйинларининг тантанали очилиш маросими бўлиб ўтади.
Эслатиб ўтамиз, Универсиадада юртимизнинг 77 нафар талаба-спортчилари таэквондо WТ, дзюдо, ушу, гимнастика, теннис, қиличбозлик ва енгил атлетика спорт турларида ватанимиз шарафини ҳимоя қилади.
Анвар Жуманиёзов. Ченду.
Ҳавола :
Фикрлар