US Open 2026. Биринчи ракеткамиз иккинчи даврада дунёнинг 20-ракеткасига қарши кортга чиқди

Ўзбекистоннинг биринчи ракеткаси Мария Тимофеева 1/64 финал учрашувида словениялик Тамара Зиданшекни 6/3, 7/5 ҳисобида мағлубиятга учратганди. Афсуски, вакиламиз 1/32 финал баҳсида дунёнинг 20-ракеткаси, бельгиялик Элизе Мертенсга 2/6, 6/7(5) ҳисобида имкониятни бой бериб қўйди. Мария иккинчи сетда 3/5 ҳисобида ўйинни бой бера туриб, тай-брекка қадар ўйинни олиб боришга муваффақ бўлди. Тай-брекда ҳам 5/3 ҳисобида олдинда эди, аммо тажриба якунда ўз сўзини айтди.  

Таққослаш учун, Тимофеева ҳозирда WTA рейтингида 86, Элизе Мертенс 20-ўринни эгаллаб турибди. Теннисчиларнинг ўзаро иккинчи учрашувида ҳам Элизе ғалаба қозонди. Бир соату 48 дақиқа давом этган учрашув давомида иккала теннис маликаси ҳам 3 тадан қўшхатога йўл қўйди. Эйслар бўйича эса Мария устунлик қилди - 2 га 0. 

Мария Тимофеева US Open турниридаги иштирокидан 130 рейтинг очкоси ҳамда 190 минг АҚШ доллари миқдорида мукофот пули ишлаб олди.