02 сен 08:11
Янгиликлар

Теннис

US Open. 278 дақиқа кортда ҳаракат қилган Маррейда иродали ғалаба

Сайёрамизнинг собиқ биринчи ракеткаси, айни пайтда рейтингнинг 115-поғонасидан жой олган Энди Маррей АҚШ Очиқ чемпионатидаги иштирокини бошлади.

Британиялик теннис устаси илк даврада дунёнинг 49-ракеткаси, япониялик Ёсихито Нисиокага қарши кортга чиқди. Маррей 4 соату 38 дақиқа давом этган мураккаб баҳсда рақиби устидан иродали ғалабага эришди - 4/6, 4/6, 7/6(5), 7/6(4), 6/4.

Энди 14, Нисиока эса 8 та эйс зарбасини амалга оширди. Маррей учинчи ҳал қилувчи сетда тай-брекдан чиқиб кета олди. Бу теннисчиларнинг ўзаро ўтказган илк учрашуви эди. Энди энди US Open иккинчи даврасида канадалик Феликс Оже ёки бразилиялик Тьяго Монтейрога қарши кортга чиқади.