US Open. Америка дербисидан кейин иккинчи финалчи маълум бўлди

Америкалик теннисчилар — Тейлор Фритц ва Фрэнсис Тиафо баҳси беш сет давом этди. Унда дунёнинг 12-ракеткаси бўлиб турган Тейлор Фритц ATP рейтингида 20-поғонадан жой олган ватандоши Фрэнсис Тиафони мағлубиятга учратди — 4:6, 7:5, 4:6, 6:4, 6:1.

Уч соату 18 дақиқа давом этган баҳсда Фритц 15, Тиафо эса 11 та эйс зарбасини амалга оширди. Энди Тейлор Фритц финалда дунёнинг биринчи ракеткаси Янник Синнерга қарши кортга чиқади. Италиялик теннисчи 1/2 финалда рейтингнинг 25-поғонасидан жой олган британиялик Жек Дрэйперни таслим этди — 7:5, 7:6 (7:3), 6:2.