02 сен 12:31
Янгиликлар

Теннис

US Open. Арина Соболенко учинчи даврада!

Нью-Йорк шаҳрида теннис бўйича "Катта Дубулға" туркумига кирувчи АҚШ Очиқ чемпионати давом этмоқда.

US Open мусобақасининг аёллар ўртасидаги баҳсларида муваффақиятли старт олган дунёнинг иккинчи ракеткаси Арина Соболенко учинчи даврага йўл олди. Беларуслик теннис маликаси 59 дақиқа давом этган иккинчи давра учрашувида рейтингнинг 40-поғонасидан жой олган словениялик Тамара Зиданшекни мағлуб этди - 6/3, 6/1.

Арина баҳс давомида 4 та, Тамара эса 1 та эйс зарбасини ижро этди. Соболенко ушбу ғалабаси эвазига теннисчиларнинг ўзаро учрашувларида 2:1 ҳисобида олдинга чиқиб олди. Энди Арина Соболенко АҚШ Очиқ чемпионатининг учинчи даврасида америкалик Даниэль Коллинзга қарши кортга чиқади.