06 сен 14:08
Янгиликлар
Теннис
US Open. Аёллар ўртасидаги жуфтлик баҳсларида чемпионлар маълум
Нью-Йорк шаҳрида давом этаётган теннис бўйича "Катта Дубулға" туркумига кирувчи, умумий мукофот жамғармаси 90 млн долларни ташкил этувчи АҚШ Очиқ чемпионатида илк ғолиблар маълум бўлди.
Аёллар ўртасидаги жуфтлик турнирида канадалик Габриэла Дабровски ва Янги Зеландия вакиласи Эрин Рутлифф бош соврин соҳибасига айланишди. Улар ҳал қилувчи финал учрашувида чехиялик Катерина Синякова ҳамда америкалик Тэйлор Таунсенд жуфтлигини 6/4, 6/4 ҳисобида мағлуб этишди.
Бир дақиқаси кам бир ярим соат давом этган баҳсда иккла жуфтлик ҳам 2 тадан эйс зарбасини амалга оширган. Дабровски/Рутлифф ҳамкорлиги US Open турниридаги икки ҳафталик меҳнатларидан 2000 рейтинг очкоси ҳамда 1 миллион доллар мукофот пули ишлаб олишди. Бу икки теннис маликаси 2023 йилги US Open турнирида ҳам чемпион бўлишган эди.
Ҳавола :
Манба : gotennis
Фикрлар