US Open. Аёллар ўртасидаги турнирда чемпион аниқланди. Ғолиб 5 млн долларга эга чиқди

Ҳал қилувчи баҳсда дунёнинг биринчи ракеткаси US Open турнирининг амалдаги чемпиони, беларуслик теннис маликаси Арина Соболенко WTA рейтингида 9-ўринни эгаллаб турган америкалик Аманда Анисимовага қарши кортга чиқди. Тўқсон тўрт дақиқа давом этган учрашувда Арина 6/3, 7/6(3) ҳисобида ғалаба қозониб, чемпионлик унвонини муваффақиятли ҳимоя қилди.

Мағлубиятга қарамай, Аманда теннисчиларнинг ўзаро 10-учрашувидан кейин ҳам ҳисобда олдинда бормоқда - 6:4.

US Open финали статистикаси

Арина Соболенко — 1 та эйс, 2 та қўшхато, 5 та брейк

Аманда Анисимова — 4 та эйс, 7 та қўшхато, 4 та брейк 

Соболенко фаолиятидаги 21-совринини қўлга киритди. "Катта Дубулға" турнирларидаги чемпионлик унвонлари 4 тага етди. АҚШ Очиқ чемпионатида кетма-кет иккинчи бор чемпион бўлди. Нью-Йоркдаги икки ҳафталик меҳнат Аринага 2000 рейтинг очкоси ҳамда 5 000 000 АҚШ доллари миқдоридаги мукофот пулини келтирди. Анисимова - 1300 очко ҳамда 2 500 000 долларлик бўлди.