US Open биринчи ракеткаси иштирокини тўхтатди

Кутилмаганда мусобақанинг биринчи рақамли теннис маликаси Каролина Плишкова иккинчи давра учрашувида мағлубият аламини тотиб кўрди. Чехиялик 28 ёшли теннисчи рейтингнинг роппа-роса 50-поғонасидан жой олган франциялик 26 яшар Каролин Гарсияга ютқазиб қўйди - 1/6, 6/7(2).

Дунёнинг учинчи ракеткаси ҳисобланган Плишкова ҳам, ғалабага эришган Гарсия ҳам 1 соату 33 дақиқа давом этган баҳсда 3 тадан эйс зарбасини амалга оширишди. Каролин Гарсиянинг учинчи босқичдаги рақибаси америкалик Женнифер Брэди бўлади. Брэди ўз ўрнида ватандоши Кэтрин Беллисни 6/1, 6/2 ҳисобларида таслим этди.