05 сен 11:27
Янгиликлар

Теннис

US Open. Эркаклар ўртасидаги жуфтлик баҳсларида финалчилар аниқланди

Нью-Йорк шаҳрида якуни сари яқинлашаётган "Катта Дубулға" туркумига кирувчи АҚШ Очиқ чемпионатининг эркаклар ўртасидаги жуфтлик турнирида финалчилар маълум бўлди.

Турнирда бешинчи рақам остида таснифланган испан-аргентиналик Марсель Гранольерс ва Орасио Себальос жуфтлик олтинчи рақам остида ҳаракат қилаётган британиялик теннисчилар ҳамкорлиги Жо Солсбери ва Нил Скупскига қарши бош соврин учун кортга чиқадиган бўлишди.

Жуфтликлар ўртасидаги US Open финали эртага соат 21:00да бошланади. Гранольерс ва Себальос жуфтлиги 1/2 финалда америкалик теннисчилар Роберт Кэш / Жеймс Трейсини, Солсбери ҳамда Скупски эса Юки Бхамбри (Ҳиндистон) / Майкл Винус (Янги Зеландия) тандемини мағлубиятга учратган.