US Open. Эркаклар ўртасидаги турнир ғолиби маълум!

Ҳал қилувчи финал учрашувида сайёрамизнинг учинчи ракеткаси, австриялик Доминик Тим рейтингнинг еттинчи поғонасидан жой олган германиялик Александр Зверев ўзаро тўқнаш келишди. Аёллар финалида бўлгани каби бу баҳсда ҳам камбэк амалга оширилди. 

Дастлабки икки сетни бой берган Доминик Тим якунда финал учрашувини ўз фойдасига ҳал қилди - 2/6, 4/6, 6/4, 6/3, 7/6(6). Финал 4 соату 1 дақиқа давом этган. Доминик 8, Александр 15 та эйс зарбасини амалга оширган. Ўзаро учрашувлардаги ҳисоб Тим фойдасига янада йириклашди - 8:2. 

Доминик Тим илк бор "Катта Дубулға" турнири чемпионига айланди. Ушбу муваффақиятли иштирок австриялик ракетка устасига 3,000,000 доллар мукофот пули ҳамда 2000 рейтинг очкосини тақдим этди. Зверев эса $1,500,000 ва 1200 очкога эга бўлди.