US Open. Карлос Алькарас - Новак Жокович баҳсида илк финалчи аниқланди

Дунёнинг иккинчи ракеткаси Карлос Алькарас 1/2 финалда ATP рейтингида еттинчи ўринни эгаллаб турган сербиялик афсона Новак Жоковичга қарши кортга чиқди. Икки соату 25 дақиқа давом этган баҳсда Карлос номдор рақибини уч сет натижасига кўра мағлубиятга учратди  - 6/4, 7/6(4), 6/2.

Испаниялик теннисчи ўзаро учрашувларда ҳамон ортда қолмоқда, лекин тафовутни минимал даражага тушира олди - 4:5. Алькарас 7, Жокович 4 та эйс зарбасини амаога оширган. Қўшхатолар Новакда кўпроқ бўлди - 5 га 2. Брейклар бўйича устунлик эса ғолиб теннисчи фойдасига - 4 га 1. 

Карлос фаолиятида еттинчи бор "Катта Дубулға" турнирларининг финалига чиқди. Иккинчи бор эса US Open финалида бош соврин учун ўйнайди. Алькарас мавсумдаги 60-ғалабасини қўлга киритди. Бу йил ҳисобидан 6 та мағлубияти бор. Сўнгги 37 учрашувдан 36 тасида зафар қучди.