08 сен 09:17
Янгиликлар
US Open турнирининг аёллар ўртасидаги баҳсларида чемпион аниқланди
US Open турнирининг аёллар ўртасидаги баҳсларида ғолиб аниқланди. Ҳал қилувчи финал учрашувида дунёнинг иккинчи ракеткаси беларуслик Арина Соболенко WTA рейтингида олтинчи поғонада бораётган америкалик Жессика Пегулани икки сетда ҳам бир хил ҳисобда мағлубиятга учратди - 7/5, 7/5.
Теннисчиларнинг ўзаро учрашувларида Арина катта фарқ билан олдинда бормоқда - 6:2. Бир соату 54 дақиқа давом этган баҳсда Соболенко 6, Пегула 4 та эйс зарбасини амалга оширган. Брейклар ҳам худди шу кўринишда беларуслик теннисчи фойдасига ҳал бўлди. Қўшхатолар бўйича устунлик ҳам Арина томонида - 5 га 4!
Шу тариқа, Арина Соболенко мавсумдаги иккинчи "Катта Дубулға" турнири бош совринини қўлга киритди. У январь ойида Australian Open турнирида ҳам чемпион бўлган эди. Нью-Йоркдаги икки ҳафталик муваффақиятли иштирок Аринага 2000 рейтинг очкоси ва 3 миллион 600 минг АҚШ доллари мукофот пули келтирди. Вице-чемпион Пегула эса 1300 очко ва 1 миллион 800 минг доллар ишлаб олди.
Фикрлар