Ушенина – ФИДЕ Гран-при Суперфинали ғолибаси!

Украиналик собиқ жаҳон чемпиони Анна Ушенина тезкор шахмат бўйича ФИДЕ Гран-приси – Women's Speed Chess Championship ғолибасига айланди. У Суперфиналда россиялик собиқ жаҳон чемпиони Александра Костенюкни 14,5:13,5 ҳисобида мағлуб этди. 

Баҳс тақдирини сўнгги партия ҳал қилди. Оқ доналарда ҳаракат қилган Ушенина ғалабани ўз томонига оғдириб олди. Костенюкда ҳам жуда яхши имконият юзага келган эди, аммо у бундан фойдалана олмади. Ушенина турнирдаги ғалабаси учун 6,5 минг, Костенюк эса 3,5 минг долларга эга бўлди.