Усман 30 ойлик дисквалификациясига изоҳ берди

Оғир вазн тоифасида UFC жангчиси ҳисобланган Муҳаммад Усман тестостерон тестидан ўта олмагани сабаб узоқ муддатга дисквалификация қилинишига нима сабаб бўлганини айтди.

Бир кун аввал лига жангчиларини допингга текшириш билан шуғулланувчи CSAD антидопинг агентлиги кичик Усман 30 ойга четлатилгани, оғир вазнли спортчи мусбат тест ҳақида ёлғон тушунтириш бериб, уларни чалғитишга урингани ва алдагани учун олти ой қўшимча икки йиллик стандарт дисквалификация олгани ҳақида хабар берган эди.

"Мен дисквалификациямга изоҳ бермоқчиман. Тикланиш даврида жароҳатни даволашда хатога йўл қўйдим ва бунинг учун жавобгарликни тўлиқ ўз зиммамга оламан. Бу вақт менга соғлиғимни тиклаш, оиламга эътибор қаратиш ва ҳаётни чуқурроқ қадрлаш имконини беради. Мен ўз устимда ишлаб, шахсий ўсиш ва тўғри йўлга содиқ қоламан. Биз давом этамиз", - деб ёзди нигериялик жангчи ижтимоий тармоқдаги саҳифасида.

Маълумот учун, Камару Усманнинг укаси бўлган 36 ёшли Муҳаммад Усман UFC’да олтита жанг ўтказиб, тўртта ғалаба ва иккита мағлубият қайд этган.