Усман - Масвидаль чемпионлик жангининг қачон ўтказилиши ҳақида хабар берилди

Собиқ кўча жангчиси бу ҳақида спорт шарҳловчиси Шаматкар Сандга берган интервьюсида айтиб ўтди.

"Ҳозир бор эътиборимни август ёки сентябрда бўлиб ўтадиган чемпионлик жангига қаратганман. Аслида, айнан сентябрь ойида бўлиши ҳақида бизга шунчаки хабар беришган, шунинг учун сиз бу ҳақида биладиган иккинчи одамга айландингиз. Омад шундай бўлса керак. Кўплаб оммавий ахборот воситалари буни биринчи бўлиб сизга айтганимдан ғазабланишади", - деди Масвидаль.

Масвидаль The Ultimate Fighter лойиҳасида иштирок этишини тасдиқламади, аммо жанг санасини ҳисобга олсак, билвосита, шоунинг кейинги мавсумда амалга ошиши ҳақидаги маълумотлар тасдиқланади.

Эслатиб ўтамиз, ўтган йилнинг июль ойида Хорхе Масвидаль Камару Усман билан 5 раундлик жанг ўтказган ва ҳакамларнинг якдил қарори билан ярим ўрта вазн тоифасида амалдаги UFC чемпионига мағлуб бўлганди. Шундан сўнг чемпион UFC 258 турнирида Гилберт Бёрнсни учинчи раундда техник нокаутга учратиб, яна бир бор камарини муваффақиятли ҳимоя қилди.