21 мар 16:40
Янгиликлар

Спорт курашлари

UWW лицензион турнирларни Олимпиадага яқин ўтказмоқчи

Бирлашган кураш дунёси (UWW) Токио-2020 лицензион турнирларини Олимпиадага яқин ўтказишни режалаштирмоқда.

"UWW Халқаро олимпия қўмитаси билан мулоқотга киришган. Шунингдек, вазиятдан тўлиқ бохабар бўлиш учун халқаро соғлиқни сақлаш ташкилотлари билан доимий равишда алоқадамиз. Биз учун ҳамон энг муҳим масала бу Олимпиада-2020 лицензион турнирлари бўлиб қоляпти. Лекин бошқа томондан спортчилар, мураббийлар ва ҳакамларнинг соғлиғини хавф остига қўя олмаймиз. Бизга уларнинг саломатлиги муҳим. Бу синовли кунлар тезроқ ўтиб кетсин", - дейилади UWW расмий баёнотида.

Аввалроқ, Халқаро олимпия қўмитаси коронавирус билан боғлиқ вазият юмшамаса, Олимпиаданинг ўйналмай қолган лицензиялари тақдири спортчиларнинг жаҳон рейтингидаги ўрнига қараб тақдим этилиши мумкинлиги ҳақида хабер берган эди.