UWW президенти юнон-рум курашчиларимиз билан учрашди + ФОТО

Бу жамоаларнинг барчаси ўтган ҳафта пойтахт Загреб шаҳрида ўтказилган Гран-При турнирида иштирок этганди. 

Табиийки, қатнашчи давлатлар орасида юнон-рум кураши бўйича Ўзбекистон терма жамоаси ҳам бор. Равшан Рўзиқулов мураббийлигидаги курашчиларимиз Загреб турнирида 2 та олтин, 1 тадан кумуш ва бронза медалларини қўлга киритишганди. Бир йиллик танаффусдан сўнг ниҳоят халқаро турнирда иштирок этган "классиклар"имиз учун бу яхши натижа. 

Эътиборлиси, кеча Бирлашган кураш дунёси (UWW) президенти Ненад Лалович Поречда ўтказилаётган халқаро ўқув-машғулот йиғинига ташриф буюрди ва у ердаги курашчиларнинг шуғулланиши учун яратилган шароитлар билан танишди. 

Табиийки, UWW раҳбари курашчиларимиз билан ҳам кўришиб, улар билан мулоқотга киришди. Лалович Ўзбекистон спорт курашчиларининг халқаро кураш оиласида тутган ўрнига алоҳида урғу қаратиб, муваффақиятлар Токио Олимпиадасида ҳам бардавом бўлишини тилади. Самимий ўтган суҳбат сўнггида Ненад Лалович халқаро ўқув-машғулот йиғини иштирокчилари билан эсдалик учун суратга тушди.