Вазир Сардобадан Жиззах шаҳрига эвакуация қилинган аҳоли билан учрашди

Сув омбори атрофидаги ҳудудлар аҳолисининг бир қисми Жиззах вилоятига эвакуация қилиниб, бошпана ва озиқ-овқат билан таъминланди.

Бугун, Ўзбекистон Республикаси Жисмоний тарбия ва спорт вазири Дилмурод Набиев Сардобадаги фожия натижасида Жиззах ихтисослаштирилган олимпия заҳиралари мактаб-интернатига жойлаштирилган 300 нафарга яқин фуқароларнинг ҳолидан хабар олди ва уларга яратилган шарт-шароитлар билан танишди.

Жиззах ихтисослаштирилган олимпия заҳиралари мактаб-интернатига жойлаштирилган аҳоли билан мулоқот қилди. Суҳбат чоғида вазир тушкунликка тушмасликни бу кунларни биргаликда енгишини таъкидлади.

Шундан сўнг, Дилмурод Набиев вилоят Жисмоний тарбия ва спорт бошқармаси бошлиғи И.Тожибоев бошчилигидаги мутасадди ходимлар билан учрашиб, Жиззах ихтисослаштирилган олимпия заҳиралари мактаб интернатига жойлаштирилган аҳоли учун қўшимча шарт-шароитлар яратиш, спорт жиҳозлари, бадиий адабиётлар билан таъминлаш, вақтларини мазмунли ўтказишларини ташкил этиш бўйича тавсия ва кўрсатмалар берди.