Велошоссе: Ўзбекистон чемпионатининг илк ғолиблари аниқланди

Турнирнинг биринчи кун баҳслари муросасиз кечди. Жамоавий вакт пойгасида 40 км масофага ўтказилган мусобақада эркаклар ўртасида Данил Евдокимов, Никита Стенкавой, Дмитрий Сирко, Ботиржон Исматовлардан иборат “Динамо” жамоаси 50:5, ёшлар ўртасида эса Самандар Султонов, Аҳмад Юлдашев, Ҳусниддин Шоназаров, Давлатёр Зарибов таркибли Хоразм вилояти жамоаси 52:59 натижа билан ғолибликни қўлга киритди. 

Жуфтлик вакт пойгасида 20 км масофага кечган баҳсда аёллар ўртасида Янина Кускова, Мадина Қаҳҳорова 28:59 натижа қайд этиб ғолиб бўлди.  Ёш қизлар ўртасидаги беллашувда эса Анна Кускова Маргарита Мисюрина 30:22 вақтда марра чизиғини биринчилардан бўлиб кесиб ўтишга муваффақ бўлди. 

Эслатиб ўтамиз, Ўзбекистон Республикаси Туризм ва спорт вазирлиги, Миллий Олимпия қўмитаси ҳамда Ўзбекистон велосипед спорти федерацияси томонидан ўтказилаётган турнир 8 майга қадар давом этади.