"Велосипед спорти фахрийлари" мусобақаси ўтказилади

Мазкур турнир Ўзбекистон Республикаси Жисмоний тарбия ва спорт вазирлиги, Ички ишлар вазирлиги, Тошкент шаҳар ҳокимлиги, Ўзбекистон фахрийларининг ижтимоий фаолиятини қўллаб-қувватлаш "Нуроний" жамғармаси, Фуқароларнинг ўзини-ўзи бошқариш органлари фаолиятини мувофиқлаштириш бўйича Республика Кенгаши билан ҳамкорликда ўтказилмоқда.

Ушбу мусобақа ўтказилишидан асосий мақсад кекса авлод вакилларини ижтимоий ҳаётдаги фаоллигини ошириш, спорт фахрийлари мисолида соғлом турмуш тарзини тарғиб этиш, велосипед спорти турини оммалаштириш, кундалик ҳаётда велосипеддан фойдаланиш орқали жисмоний чиниқиш ва экологияни асрашдан иборатдир.

Маълумот учун, мусобақа 2018 йил 4 май куни Тошкент шаҳри,"Пахтакор" марказий стадионида соат 10-00 бошланади. Тошкент шаҳар ва Тошкент вилоятида истиқомат қилувчи 50-65 ёшдагилар ва 65 ёшдан катта барча спорт фахрийлари ва фахрийлар иштирок этишлари мумкин.

Ўзбекистон велосипед спорти федерацияси матбуот хизмати