15 янв 18:00
Янгиликлар
Велоспорт
Велоспорт бўйича Ўзбекистон терма жамоаси Осиё чемпионатига БАА мамлакатида тайёргарлик кўради
Ўзбекистон велосипед спорти федерацияси томонидан спортчиларимизни халқаро спорт мусобақаларига муносиб тайёрлаш ва уларга зарур шарт-шароитлар яратиб бериш мақсадида бир қатор ишлар амалга оширилмоқда.
Жумладан, Ўзбекистон велосипед спорти федерацияси ҳамда Бирлашган Араб Амирликлари велоспорт федерациясининг ўзаро ҳамкорлик меморандумида ҳар икки терма жамоа спортчилари ўртасида ўқув-машғулот йигинлари ташкил этиш белгиланганди.
Унга кура, жорий
йилнинг 14 январь куни велоспорт бўйича Ўзбекистон миллий терма жамоаси
спортчилари ва мураббийлар штаби ўқув-машғулот йиғинларини ўтказиш учун
БААга жўнаб кетишди. Мазкур йиғин 2018 йил февраль ойида ўтказиладиган
Осиё Чемпионатига тайёргарлик вазифасини ўтаб беради.
Маълумот учун, "2018
Asian Road & Para Cycling Championships" Осиё чемпионати мусобақаси
шоссе йўналишида эркаклар, аёллар ва ёшлар ўртасида жорий йилнинг 6-12
февраль кунлари Мьянмада, 16-20 февраль кунлари эса трек йўналишида
Малайзиянинг Куала-Лумпур шаҳрида ташкил этилади.
Ҳавола :
Манба : olympic.uz
Фикрлар