30 апр 10:31
Янгиликлар

Велоспорт, Париж-2024

Велоспорт федерацияси Париж-2024 Олимпиадасида иштирок этиши мумкин бўлган номзодлар юзасидан расмий баёнот берди

Теглар : Велоспорт

Хабарингиз бор, жорий йилнинг 26 июль - 11 август кунлари Франция пойтахти Париж шаҳрида XXXIII ёзги Олимпия ўйинлари бўлиб ўтади.

"Мазкур мусобақага велоспортнинг шоссе йўналиши бўйича Ўзбекистон миллий терма жамоаси аёллар учун 3 та, эркаклар учун 1 та йўлланмани қўлга киритганди. Ҳозирда аёллар ўртасидаги дастурларда терма жамоамиз шарафини Олга Забелинская ҳамда Янина Кускова ҳимоя қилиши маълум бўлиб улгурган.

Эркаклар ўртасидаги баҳслар учун ажратилган ягона йўлланмага эса терма жамоамизнинг тўрт нафар аъзоси номзодлик қилмоқда. Улар: Муроджон Холмуродов, Никита Цветков, Дмитрий Бочаров ҳамда Бекзод Раҳимбоев.

Ўзбекистон велосипед спорти федерацияси Париж-2024 Олимпиадасида эркаклар ўртасидаги баҳсларда иштирок этадиган терма жамоамиз аъзоси исм-шарифини 14 июнь куни, шоссе йўналиши бўйича Қозоғистонда ўтадиган Осиё чемпионатидан сўнг расман эълон қилади", дейилади федерация матбуот хизматининг расмий саҳифасида.

Ҳавола :

Манба : velosport.uz

Рейтинг: