Велоспорт. Фредрик Магне мамлакатимизда семинар ўтказди

Савол-жавоб тарзида олиб борилган мазкур семинарда асосан ёш спортчилар билан ишлаш, машғулотлар ўтказиш, юкламаларни тўғри танлаш, спортчиларнинг тўғри овқатланиши борасида фикрлар алмашинуви бўлиб ўтди.
Ушбу семинарда Республикамизда фаолият олиб бораётган мураббийлар иштирок этди. Шулардан Жиззах вилояти, Арнасой тумани, Болалар ва ўсмирлар спорт мактабининг велоспорт бўлими мураббийи хам иштирок этиб, ушбу машғулотда жуда ҳам кўп янгиликларга, илмий-услубий қўлланмаларга, ахборотларга эга бўлганлигини, спортчилар учун белгиланадиган машғулот юкламалари бўйича маълумотга эга бўлганлигини, трек йўналиши бўйича яккалик пойгаларида спортчилар психологиясини ривожлантириш зарурлиги борасида кўплаб таассуротларга эга бўлганлигини таъкидлади.

Ўз ўрнида Фредрик Магне ҳудудларда ўқув-йиғин машғулотлари, мастер-класслар, семинар-тренинглар ўтказиш мақсадида Халқаро велосипедчилар Иттифоқи томонидан беғараз мураббий-мутахассис юборишини айтиб ўтди.

Семинар якунида мураббийларга сертификатлар топширилди.